Ngrumangsani

Aku ngrumangsani yen gurit karipta, apa maneh kawaca
Ana kang nggeguyu saperangan padha celathu.
Nanging ora aneh awit kabeh padha "rumangsa bisa",
nanging uga "ora bisa rumangsa".
Aku ngrumangsani ora kepingin misuwur,
uga ora kepingin bangsa iki tininggal leluhur
Aku ngrumangsani Argopeni isih butuh pupur,
nanging dudu saka watu kapur
Aku ngrumangsani marang kahanan iki.

Srandil, Oktober 2015