nggayuh sakabehing kamulyan,
mesthi mawa banthen,
kudu nggawa korban,
tangeh lamun tanpa kuwi bisa kasembadhan,
nanging, gedhe cilike gumantung ing gegayuhan.
Pinasthi kuwi wis dadi kodrat, wis sinerat jroning kitab, tanpa aling-aling.
Akehing tuladha minangka kaca benggala,
nalikane padha rebut panguasa,
ora mung cukup bandha donya lan raja brana,
ananing uga raga lan nyawa,
kamulyan sejatining mung peparing.
Yekti bisa dadi kuncara,
tanpa ati kang tumata lan legawa,
ora cukup nganggo urubing hawa,
ngumbar angkara mring sa-padha2.
Begja-begjane kang eling lan prayitna,
nggayuh kamulyan sakmesthine.
Ora kaya wingi,
21-22 mei,
tansah kagawa ing impi,
Duh Gusti,...........
- Srandil, Juni 2019 -
Tidak ada komentar:
Posting Komentar